Coidados, vulnerabilidades e dependencias

Olladas desde os feminismos

cartel do proxecto Coidados e vulnerabilidades no que veñen as diferentes accións que forman parte do mesmo.

Dende o 15/11/2022
ata  marzo de 2023

Presencial

A escolma das creadoras foi un traballo da coruñesa Anxela Caramés, comisaria de arte e investigadora responsable do proxecto ALÉN DOS XÉNEROS, mostra que reuniu 50 prácticas artísticas feministas en Galicia desde os anos noventa ata 2017. Aborda agora este novo proxecto expositivo “que xira arredor de varios fíos conductores relacionados coa temática dos coidados”, explica Caramés. “En primeiro lugar o binomio traballo doméstico/mulleres migrantes e a súa correlación nas institucións culturais coas traballadoras da limpeza nos museos; e en segundo lugar a sobrecarga familiar das amas de casa, os problemas específicos da crianza desde a ollada das artistas nais, ademais dos vencellados cos coidados a persoas maiores”.

No Museo Fortaleza San Paio de Narla (Friol) visibilizarase o labor das coidadoras de persoas maiores e dependentes suprimindo a división entre coidadora e coidada.

No Museo Pazo de Tor (Monforte de Lemos) haberá unha escolma de creacións en relación á maternidade e á crianza que dialoga con obxectos que xa estaba nos fondos do museo, coma o berce, a mecedora ou as pezoneiras de cristal. Catro artistas falan desde o “eu” de ser nais incidindo nas dificultades da conciliación familiar e laboral.

E no Museo Provincial do Mar (San Cibrao, Cervo) as pezas céntranse no papel de coidadoras de mulleres que, ou teñen que compaxinar ambos roles no seo familiar, ou deben ocuparse dos coidados de persoas alleas para que outras poidan traballar.

Programa completo

Galería

Enlaces de interese

Tamén che pode interesar

  • Cartel das II xornadas pacegas en Tor. Na imaxe vese o sillón da nodriza do cuarto dos nenos e unha muller vestida de doncella planchando.

II Xornadas Pacegas

Programa para profesionais da contorna museística. Esta segunda edición xira arredor do poder dos museos, co proxecto SoTERRAdas como fío condutor.
  • Muller cun mantelo que e a imaxe do programa de soterradas.

SoTERRAdas

O primeiro programa da Rede no que se cambia o discurso (a museoloxía) e a maneira de contalo (a museografía) a través de actividades. Descúbreo!

Mulleres rurais

O programa “Mulleres Rurais” da RMPL representa a metodoloxía de traballo que chegou para quedarse na Rede Museística Provincial de Lugo nos ultimos anos, baseado na escoita activa da comunidade como necesidade principal e motor cara o futuro.